ԲՀԿ խմբակցության պատգամավոր Տիգրան Ուրիխանյանը եւս այսօր մասնակցում էր ազատամարտիկների եւ կուսակցությունների ներկայացուցիչների կազմակերպած քննարկմանը:
Տիգրան Ուրիխանյանի խոսքով`երկրում այսօր ծանր իրավիճակ է, որի պատճառով հասարակության տարբեր շերտեր պարբերաբար հայտնում են իրենց դժգոհությունն ու բողոքը՝ ստեղծված իրավիճակի եւ այն ծնող պատճառների դեմ:
Տիգրան Ուրիխանյանը տեղեկացրեց, որ այս պահին քննարկվում են մի շարք հարցեր, այդ թվում` մարդու իրավունքների պաշտպանության օրը միջոցառում կազմակերպելը. «ԲՀԿ-ն միշտ մասնակցել է այս քննարկմանը, փորձելով լուծման եղանակներ առաջարկել»,- նշեց նա:
Դիտարկմանը` արդյոք ԲՀԿ-ն համաձա՞յն է, որ իշխանափոխության տարբերակով կարելի է լուծել երկրում առկա խնդիրները, Տիգրան Ուրիխանյանը պատասխանեց, որ ցանկացած փոփոխության շնորհիվ պետք է բարելավվի հայաստանցու կյանքը: Ըստ նրա` «Ցանկացած պաշտոն ու իշխանություն մեզ համար ինքնանպատակ չէ, այլ միջոց է երկրում վիճակ փոխելու»:
Կարդացեք նաև
Եվա ՀԱԿՈԲՅԱՆ
