«Վարդան Սեդրակյանն այժմ գտնվում է մեկուսարանում: Նա ունի լյարդի հիվանդություն, որը քրեակատարողական բուժծառայությունն էլ ախտորոշեց: Նրան պարբերաբար բժիշկն է այցելում է, սնվում է դիետիկ»,-այսօր «Նոյյան տապան» մամուլի ակումբում հայտարարեց Վարդան Սեդրակյանի պաշտպան Ալեքսանդր Սիրունյանը՝ անդրադառնալով մեղադրանքներին, որոնք առաջադրվել են Վարդան Սեդրակյանին այն բանի համար, որ նա է կազմակերպել Պարույր Հայրիկյանի մահափորձը:
Նա նշեց, որ Վարդան Սեդրակյանին «դատում են ենթադրություններով, մեկուկես ապացույցով»: Ուստի կոչ արեց՝ «Մեզ մի դատեք ենթադրություններով»:
Սիրունյանը զարմացած է, որ դատավարության ընթացքում Վարդան Սեդրակյանին ընդամենը մեկ հարց են տվել՝ «Որտեղի՞ց Ձեզ այդքան գումար»:
Ուստի պարոն Սիրունյանը տեղեկացրեց, որ իրենք դիմել են Վերաքննիչ դատարան ու այժմ սպասում են քննության պատասխանին են և անհրաժեշտության դեպքում դիմելու են մինչև անգամ Մարդու իրավունքների եվրոպական դատարան:
Կարդացեք նաև
Պարոն Սիրունյանը նշեց, որ «մինչև հիմա էլ համոզված է, որ Սեդրակյանն այդ գործի հետ կապ չունի»:
Նա ուշադրություն հրավիրեց դեպքից տասներկու օր հետո՝ փետրվարի 13-ին կատարված նկարահանման որոշ դրվագների վրա, որտեղ Հայրիկյանը ցույց է տալիս իր վերքերը: Պարոն Սիրունյանը կասկածի տակ դրեց այն, որ «լուսանկարում պատկերվածը մեկուկես սմ-ոնց վերք է, ինչպես պնդում էին դատավարության ընթացքում»:
Տաթև ՀԱՐՈՒԹՅՈՒՆՅԱՆ
