Արդեն մեկ ամիս է՝ Հայաստանից Ռուսաստան մեկնող բոլոր ուղեւորափոխադրողները՝ հատկապես ավտոբուսներով, իջեցրել են տոմսերի արժեքը։ Առաջին հայացքից դժվար է հասկանալ, թե ինչու, վառելանյութը ոչ միայն չի էժանացել, այլեւ փոքր-ինչ թանկացել է, մարդկանց հոսքը նույնպես չի նվազել։ Փորձեցինք այս հարցի պատասխանն ստանալ մի քանի ընկերություններից։ Ավտոբուսով մարդկանց Ռուսաստան տեղափոխող ընկերություններից ամենախոշորը «Քինգ Դե Լյուքս» ընկերությունն է՝ հայտնի Պալաչի՝ Արթուր Հարությունյանի հսկողության տակ։ Ամենամեծ զեղչերն էլ հենց այս ընկերությունում են։ Ձեղչեր, որոնք առաջին հայացքից անհավանական են թվում։ Այս ընկերության գնացուցակը նույնքան տարօրինակ էր, որքան նրա աշխատակիցների պահվածքը։ Լրագրողը զանգահարում է ընկերություն, ներկայանում է, հարցնում.
– Գնացուցակ կտրամադրե՞ք։
– Ձեզ կոնկրետ ո՞ր ուղղությունն է հետաքրքրում։
– Ռուսաստան մեկնող բոլոր ուղղությունները։
– Կոնկրետ ասեք, որ պատասխանեմ։
– Օրինակ՝ Կրասնոդար։
– 11 հազար դրամ։
– Ես լա՞վ լսեցի՝ 11 հազար դրա՞մ։
– Այո, գիտեք՝ մեզ մոտ ակցիա է, եւ Ռուսաստանի տոմսերն էժանացել են։
– Մոսկվայի տո՞մսն ինչ արժե։
– 15 հազար։
Վարդան ՄԻՆԱՍՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
