Թուրքիայի արտգործնախարար Ահմեդ Դավութօղլուն ներողություն է խնդրել քուրդ երաժիշտ Շիվան Փերոերից «սխալ քաղաքականության» համար, ինչի պատճառով նա ստիպված լքել էր Թուրքիան: Հայտնում է «Հյուրիեթ» թերթը:
Նոյեմբերի 18-ին Վաշինգտոնի Բրուկլինի համալսարանում Դավութօղլուն ասել է. «Շաբաթ Դիարբեքիրում շատ զգացական միջոցառում էր: Ավտոբուսում ես Շիվանի կողքն էի նստած: Ես [նրան] հասկանում եմ ոչ միայն որպես նախարար, այլև որպես մտավորական, որպես համահավասար քաղաքացի: Ես ներողություն խնդրեցի սխալ վարած քաղաքականության համար, որի պատճառով նա Թուրքիայից հեռու էր ապրում: Նա այս երկրի զավակն է: Նախկինում սխալ վարած քաղաքականությունն իրեն հեռու էր պահում», – ասել է Դավութօղլուն՝ նկատի ունենալով Թուրքիայում իշխող «Արդարություն և զարգացում» կուսակցության Դիարբեքիրում տեղի ունեցած հանրահավաքը, որին մասնակցում էր նաև Փերոերը: 1976թ. երաժիշտը արտաքսման մեջ էր Եվրոպայում իր քրդերեն մի երգի պատճառով, դրանից հետո սա նրա առաջին այցելությունն էր Թուրքիա:
Փերոերը բազմիցս անդրադարձել է Հայոց ցեղասպանության հարցին: Երաժիշտների իրավունքներով զբաղվող «Freemuse» կազմակերպությանը տված հարցազրույցում նա ասել էր, որ թուրքերն ուզում են քրդերի հետ անել հայերի ցեղասպանության պես մի բան:
Կարդացեք նաև
Պատրաստեց՝ Հովհաննես ԻՇԽԱՆՅԱՆԸ
