Վերջերս ծանրամարտի միջազգային ֆեդերացիայի (IWF) պաշտոնական կայքէջը հրապարակել էր հայաստանցի վեց ծանրորդների անուններ, որոնք որակազրկվել են արգելված դեղամիջոցներ օգտագործելու համար:
Այս տեղեկատվությունը հայկական լրատվամիջոցներում արդարացի ու սուր քննադատությունների առիթ դարձավ: Սակայն պարզվում է, որ մեր վիճակն «այնքան էլ վատ չէ», որ մեզանից ավելի ողբերգական վիճակում հայտնված երկրներ էլ կան, ու մենք կարող ենք դրանով «մխիթարվել»:
Aravot.am-ին հայտնի է դարձել, որ այս տարի անցկացված դոպինգ ստուգումների արդյունքում ծանրամարտում առաջատար համարվող երկրներից շատերում միանգամից 10-ից 15 որակազրկված ծանրորդներ էլ կան, որոնց անունները առայժմ թեեւ գրված չեն IWF-ի «սեւ ցուցակում», սակայն արդեն եկող տարվա սկզբներին կհրապարակվեն:
Աշոտ ՀԱԿՈԲՅԱՆ
