«Նախարարը բացարձակապես ստում է»,-այսօր «Հայացք» ակումբում անդրադառնալով Ազգային ժողովում օրերս 2014 թվականի բյուջեի նախագծի շուրջ իր եւ ֆինանսների նախարար Դավիթ Սարգսյանի բանավեճին, ասաց ԱԺ պատգամավոր Հրանտ Բագրատյանը:
Նրա խոսքերով`« ԱԺ-ն հաստատում է միայն ծախսերը, «ՀՀ պետական բյուջեի մասին» օրենքը եւ դրան կից հավելվածը նայելով, 989 էջի մեջ կա 6 տող բյուջեի մասին, նախարարի ասածը վերաբերում է ինչ-որ թղթերին ու ուղերձներին: Իրենք ասում են` բյուջետային փաթեթ, ԱԺ-ն փաթեթ չի ընդունում, ԱԺ-ն օրենք է ընդունում: Այսինքն, օրենքով բյուջեի եկամուտները չեն հաստատում: Ի՞նչ է սա առաջ բերում. հարկայինը ստանում է ընդամենը մեկ թիվ` 1 տրիլիոն 184 միլիարդ դրամ հավաքի, ոնց ուզում ես հավաքի: Մինչդեռ Սահմանադրությունն ասում է, դա է ասում նաեւ տրամաբանությունն ու այլ երկրների փորձերը, եւ ես նույնիսկ ապշած եմ, թե ինչ է անում արժույթի հիմնադրամը, սկսում եմ կասկածել, որ մեր լավն են ուզում:
Ասում է` բյուջեի մասին օրենքով ցույց տուր հարկայինին տնտեսական աճի ոլորտները, ցույց տուր հարկատեսակները եւ ասա` գնա եւ այստեղից այսքանը հավաքի: Եթ ես որպես հարկային ստանում եմ 1 տողով բյուջե, հավաքում եմ այնտեղից, որտեղից կարողանում եմ հավաքել, իսկ դա լինելու է փոքր բիզնեսի հաշվին: Եվս մեկ անգամ պաշտոնապես հայտարարում եմ՝ նախարարը ստել է»:
Պարոն Բագրատյանի վստահեցմամբ, արդեն երկար տարիներ է, ինչ խախտվում է ՀՀ Սահմանադրությունը բյուջեի ձեւավորման, բաշխման առումով: ԱԺ պատգամավոր, Հայաստանի նախկին վարչապետի փաստարկները Սահմանադրության խախտման մասին` տեսանյութում:
Կարդացեք նաև
Նելլի ԲԱԲԱՅԱՆ
