Աջափնյակ եւ Դավթաշեն վարչական շրջանների ընդհանուր իրավասության դատարանում այսօր Սյունիքի նախկին մարզպետ Սուրիկ Խաչատրյանն ընդդեմ Գորիսի նախկին քաղաքապետ Սամվել Հարությունյանի դատական նիստը հետաձգվեց: Սուրիկ Խաչատրյանի ներկայացուցիչ Մարտին Զիլֆուղարյանը նախապես դատարանին տեղեկացրել էր, որ այսօր ի վիճակի չի լինելու ներկա գտնվել հիվանդության պատճառով եւ խնդրել էր հետաձգել դատական նիստը: Սամվել Հարությունյանի շահերը դատարանում պաշտպանող Մուշեղ Շուշանյանն էլ չառարկեց: Նիստը տեղի կունենա դեկտեմբերի 12-ին:
Հիշեցնենք, որ Սուրիկ Խաչատրյանը դատի էր տվել Սամվել Հարությունյանին՝ իրեն զրպարտելու մեղադրանքով եւ պահանջում է նրանից 1,5 մլն դրամի փոխհատուցում, նաեւ՝ հերքում:
Արփինե ՍԻՄՈՆՅԱՆ
