«Իսկ ո՞վ ասաց, որ ուշանում է, ինչի նրանք պետք է ձեզ պատասխանեն, դուք որոշել եք, որ ուշանում է ու պահանջում եք պատասխան, բայց ո՞վ ասաց, որ ուշանում է»,- այսօր լրագրողների դիտարկումներին ի պատասխան այսպես արձագանքեց ՀՅԴ խմբակցության պատգամավոր Վահան Հովհաննիսյանը: Խոսքը`Գերմանիայում իր դեսպան նշանակվելու մասին էր:
Լրագրողները հետաքրքրեցին, թե ինչո՞ւ է Գերմանիայում ՀՀ դեսպանի պաշտոնում նշանակվելու գործընթացը դանդաղել: Շրջանառվող լուրերի համաձայն՝ Գերմանիայում թուրքական լոբբինգը շարունակում է ազդեցություն ունենալ նրա դեսպան նշանակելու հարցում, ինչն էլ գործընթացի դանդաղեցման պատճառ է դարձել: Լրագրողները պարոն Հովհաննիսյանից հետաքրքրվեցին, թե արդյոք ՀՀ ԱԳՆ-ն իրեն իրազեկե՞լ է ուշացման պատճառները:
Դիտարկմանը, թե թուրքական լոբբին է պատճառը, պարոն Հովհաննիսյանը չարձագանքեց:
Նելլի ԳՐԻԳՈՐՅԱՆ
