Ըստ պաշտոնական վիճակագրության, առեւտրաշրջանառությունը Հայաստանի եւ Ռուսաստանի միջեւ 2012 թվականին կազմել է 1,2 մլրդ դոլար, իսկ միայն այս տարվա 7 ամիսներին գերազանցել է 700 մլն դոլարը, սակայն բեռնափոխադրող ընկերությունների գործերը վատացել են, նրանք ներմուծման եւ արտահանման կրճատում են արձանագրում, որն առայժմ տեսանելի չէ պաշտոնական թվերում:
Ըստ «Դերժավա» ընկերության տնօրեն Արմեն Գրիգորյանի, Ռուսաստանի հետ կրճատվել է թե արտահանումը, թե ներմուծումը: Նա հաստատեց վարորդներից ստացած մեր տեղեկությունները, որ իրենք հաճախ դատարկ գնում են, դատարկ գալիս: «Ներմուծումն ու արտահանումն իրոք քչացել են: Բեռ չկա, նշանակում է՝ կարիք չկա, մեքենաների պահանջ: Մենք մեր բեռներն ենք ներմուծում եւ նկատել ենք, որ եթե անցյալ տարվա այս ժամանակ, երբ նախատոնական աշխուժացում էր սկսվում, ազատ մեքենա չկար, ապա հիմա շատ դատարկ մեքենաներ կան, բայց բեռներ չկան: Գնացեք ցանկացած մաքսային տերմինալ եւ կտեսնեք, թե ինչ վիճակ է»:
Այն, որ Ռուսաստանից ներմուծման եւ արտահանման ծավալները նվազել են, ընդունում են բոլոր բեռնափոխադրողները, որոնց հետ երեկ զրուցեցինք, սակայն նրանք տարբեր պատճառներ են նշում:
Սյուզան ՍԻՄՈՆՅԱՆ
Հոդվածն ամբողջությամբ՝ «Հրապարակ» թերթի այսօրվա համարում
