Թալինում կայացավ Հայաստանում ըմբշամարտի ճանաչված մարզիկ և մարզիչ Գարեգին Ավդալյանի հուշամրցաշարն` իր իսկ անունը կրող մարզադպրոցում:
11 քաշային կարգերում պայքարում էին «Սևան» մարզական ընկերության ՀՀ տարբեր մարզերի 144 պատանի ըմբիշներ: Ողջունելով մասնակիցներին, կազմակերպիչներին եւ հյուրերին` «Սևան» մարզական ընկերության նախագահ,ԱԺ պատգամավոր Բազմասեր Առաքելյանը վստահեցրեց, որ արդեն ավանդույթ դարձած հուշամրցաշարը կլինի շարունակական:
Ըստ քաշային կարգերի հուշամրցաշարի հաղթող դարձան Մանվել Խաչատրյանը (մինչև 26 կգ, Գյումրի), Մարտուն Գևորգյանը (29 կգ,Արտիմեդ), Հարություն Ֆարմանյանը (32 կգ, Գյումրի), Լյովա Խաչատրյանը (35 կգ,Ապագա), Ժորա Մարտիրոսյանը (38 կգ, Արտիմեդ), Վահագն Գրիգորյանը (42 կգ, Արտիմեդ), Արտյոմ Թորոսյանը (46 կգ, Աշտարակ), Հրաչ Պողոսյանը (54 կգ Արտիմեդ),Ավետիք Աբրահամյանը (58 կգ Արտիմեդ), Սարգիս Թադևոսյանը (63 կգ,Արտիմեդ), Զուլալ Սարգսյանը (69 կգ, Արշավ):
Բոլոր մրցանակակիրները ստացան համապատասխան գավաթներ և վկայականներ: ՀՀ սպորտի և երիտասարդության հարցերի նախարարության շնորհակալագրով պարգևատրվեց «Սևան» մարզական ընկերության գործադիր տնօրեն Արշակ Կնյազյանը:
Կարդացեք նաև
Աշոտ ՀԱԿՈԲՅԱՆ
