Այս պահին Շանթ Հարությունյանի մի խումբ համակիրներ՝ ի պաշտպանություն նրա, հավաքվել են ԱԱԾ շենքի դիմաց:
«Շանթ Հարությունյանը ոչ թե գիժ է, այլ խենթ, որը չի ցանկանում բռնապետական ռեժիմում ապրել եւ դուրս եկավ բռնապետության դեմ»,- ասաց ի պաշտպանություն Շանթ Հարությունյանի նախաձեռնության անդամ Վարդան Հարությունյանը:
Նրա խոսքով՝ սեպտեմբերի 3-ին Մաքսային միությանը միանալու մասին ՀՀ նախագահի հայտարարությունից հետո Շանթ Հարությունյանը ընդվզեց ու իր քաղաքացիական անհնազանդությունը հայտնեց, ինչը այսօր ցանկանում են ներկայացնել որպես հոգեկան խնդիրների արդյունք:
Հավաքված ակտիվիստները տեղեկություններ ունեն, որ Շանթ Հարությունյանին այսօր ԱԱԾ շենքից տեղափոխելու են հոգեբուժարան:
Կարդացեք նաև
«Մենք Շանթի հետ ենք, այն բոլոր մարդիկ, որոնք Շանթին համարում են գիժ, գիժը նրանք են, իսկ Շանթը պարզապես խենթ է, որը իր կյանքը նվիրել է հայրենիքին»,- ասաց Վարդան Հարությունյանը:
Հավաքվածները հրաժարվում են լսել Շանթ Հարությունյանին հոգեբուժարան տեղափոխելու մասին հայտնած իրենց աղբյուրը, բայց պնդում են, որ հավաստի աղբյուրից են ստացել տեղեկությունը:
Այստեղ է նաեւ Շանթ Հարությունյանի որդին՝ 14-ամյա Շահեն Հարությունյանը: Նա հրաժարվում է խոսել լրատվամիջոցների հետ, միայն ասում է, որ ոչ մի նոր տեղեկություն չունեն հորից:
«Այս դեռ շանթն է, կայծակը մենք ենք» եւ նմանատիպ ցուցապաստառներով այս պահին հավաքվածները լուռ կանգնած են:
Մանրամասները՝ շուտով:
Շանթը պատասխանատու է կալանավորված բոլոր անձանց և նրանց ընտանիքների արջև: Նա հերթական անգամ, իբրև հոգեկան հիվանդ, դատարանի կողմից ազատվելու է պատժից, իսկ նրա «հեղափոխությանը» հավատացած երիտասարդները տևական ժամանակ կանցկացնեն բանտերում: Գեղեցիկ է հնչում, որ նա ոչ թե հիմար անասուն է, այլ խենթ և «ռոմանտիկ» հեղափոխական: Կա նաև հավանական այլ ենթադրություն, որ նա ոչ առաջինն է և ոչ էլ երկրորդը, այլ չկայացած և ըստ իր կարծիքի չգնահատված անձ է, որը ոչնչի առաջ չի կանգնի իր «ես»-ը հնչցնելու և իր կարծիքով մեծարելու առաջ: Այդ ճանապարհին ինքը կօգտագործի և արդեն օգտագործել է անմեղ մարդկանց ճակատագրերը: