Նոյեմբերի 17-ին Տավուշի մարզի Իջեւանի տարածաշրջանի ամենամեծ գյուղական համայնքում՝ Աչաջրում տեղի ունեցան համայնքի ղեկավարի ընտրություններ: Համայնքի ղեկավարի 3 թեկնածու կար, 3-ն էլ ՀՀԿ անդամ, 3-ն էլ՝ ինքնառաջադրմամբ:
Աչաջուր համայնքի ղեկավարի թեկնածու էին գործող գյուղապետ Համո Գեւորգյանը, 1990-ական թվականների երկրորդ կեսին Աչաջրի գյուղապետ աշխատած Տաթեւ Գասպարյանը եւ Աչաջրի նախկին գյուղապետ Պավլիկ Ղալթախչյանի եղբայր Կամո Ղալթախչյանը:
Տավուշի մարզի թիվ 40 ընտրատարածքային ընտրական հանձնաժողովից տեղեկացանք, որ ընտրությունների արդյունքում Կամո Ղալթախչյանը ստացել 1119, Տաթեւ Գասպարյանը՝ 820, Համո Գեւորգյանը՝ 375 ձայն, 56 քվեաթերթիկ անվավեր է ճանաչվել:
Թիվ 40 ԸԸՀ-ից հայտնեցին, որ Աչաջրում ընտրություններն անցել են առանց խախտումների, հանձնաժողովում բողոքներ չեն ստացվել:
Կարդացեք նաև
Ոսկան ՍԱՐԳՍՅԱՆ
