Բարձրագույն որակավորման հանձնաժողովի (ԲՈՀ) նախագահի ժամանակավոր պաշտոնակատար Լիլիթ Արզումանյանը «Թափանցիկությունը եւ հաշվետվողականությունը՝ ՀՀ ԿԳ նախարարության կարեւոր սկզբունքներ» սեմինարի ժամանակ անդրադարձավ ԲՈՀ-ի գործառույթներին: Նա փաստեց, որ հատկապես թեկնածուական պաշտպանությունները չափազանց շատացել են. «Մարդիկ երեւի մտածում են, թե խոսքը ոչ թե գիտությանն է վերաբերում, այլ՝ հերթական վկայագրերին»:
Տիկին Արզումանյանը փաստեց, որ գիտական աստիճաններ շնորհող որոշ խորհուրդներ անբարեխիղճ են աշխատում, նա վկայակոչեց մասնավորապես մանկավարժություն, տնտեսագիտություն, ինչ -որ առումով բժշկություն ոլորտները: ԲՈՀ-ի նախագահի ժամանակավոր պաշտոնակատարը հավելեց, որ ավելացել է բեկանումների թիվը: Իր նշանակումից հետո ինքը կիրառում է միայն կրկնական քննարկման տարբերակը: «Տեսնում ես, որ հաճախ ամբիոնում կանգնածը գաղափար չունի աշխատանքից, ես նման դեպքերում տալիս եմ փորձաքննության եւ հետ են ուղարկում խորհուրդ: 29 աշխատանք հետ ենք ուղարկել խորհուրդ, դրանցից 12-ում արտագրություներ են եղել…Պլագիատի դեմ պայքարելը բարդ է, դա տարրական անբարեխղճություն է»,- ասաց նա: Անդրադառնալով ԿԳ փոխնախարար Մանուկ Մկրտչյանի դոկտորական աշխատանքի հետ կապված աժիոտաժին, տիկին Արզումանյանը ափսոսանք հայտնեց, որ հանիրավի շրջանառության մեջ է դրվել փոխնախարարի անունը, որի աշխատանքը երկար տարիների արդյունք էր. «Բնականաբար այն գնաց փորձաքննության: Հայցորդը կետ առ կետ պատասխանել էր բոլոր դիտողություններին»:
Գոհար ՀԱԿՈԲՅԱՆ
կրթութիուն ասվածը ՀՀ-ում էլ չկա ….. եկեք մտեք համալսարաններ ու տեսեք թե ինչ կիսագրագետ դոցենտներ ու թեկնածուներ կան …… ու բա եկող կիսագրագետ սերունդն էլ կանգնել է հերթի