«Կուտակային կենսաթոշակների մասին» ՀՀ օրենսդրական նախաձեռնությունից դժգոհ քաղաքացիներին ԱԺ-ի շենքի մոտից միացավ նաեւ ՀԱԿ խմբակցությունից Լեւոն Զուրաբյանը :
Նա հավաքվածներին պատմեց, թե ինչպես ՀՀԿ-ն բոյկոտեց նիստը. «Երբ բացվեց արտահերթ նիստը, ԱԺ նախագահն ընթերցեց ՀՀԿ որոշումը՝ նիստը բոյկոտելու մասին: Համաձայն Սահմանադրության՝ արտահերթ նիստ 44 ստորագրությամբ կարելի է հրավիրել, արդեն երկրորդ անգամ հավաքում են անհրաժեշտ ստորագրությունները, բայց ՀՀԿ-ն, բոյկոտելով նիստը, չի ներկայանում քննարկումներին: Սա նշանակում է, որ ՀՀԿ -ն թքած ունի մեր Սահմանադրության վրա: Սա նաեւ նշանակում է, որ այդ մարդիկ թալանի նոր գործիքներ են մոգոնում՝ միաժամանակ վախենում են ներկայանալ իրենց փաստարկներով հասարակությանը: Իրենց բոյկոտով խոստովանեցին, որ ոչինչ չունեն ասելու հանրությանը եւ չեն կարող հիմնավորել իրենց դիրքորոշումը»:
Պարոն Զուրաբյանը նաեւ պատմեց՝ երբ ԱԺ նախագահին հարցրել է՝ ինչու է ՀՀԿ-ն խախտում սահմանադրական նորմերը, ԱԺ նախագահն ասել է՝ դեռ երեք ժամ կա եւ ամեն ինչ կանի, որ քվորումն ապահովի:
Պարոն Զուրաբյանը մինչեւ կառավարության շենք քայլերթով միացավ ցուցարարներին, իսկ կառավարության շենքի մոտից հեռացավ՝ ասելով, որ ոչ ինքը, ոչ իրենց կուսակցությունը պահանջներ չունեն ՀՀԿ-ից, իրենց պահանջը կառավարությունից եւ ԱԺ-ից է:
Կարդացեք նաև
Արփինե ՍԻՄՈՆՅԱՆ
