«Հրապարակային ներողություն խնդրելու խնդիր չունենք»,-Aravot.am-ի հարցին` արդյոք Վարդան Պետրոսյանի գործով քննիչ Հայկ Հակոբյանի` Վարդան Պետրոսյանին վիրավորելու փաստի առնչությամբ դատարան դիմելո՞ւ են, քանի որ հայտարարվել էր, որ եթե մինչև նոյեմբերի 14-ը, ժամը 15.00-ը, քննիչ Հայկ Հակոբյանը հրապարակավ ներողություն չխնդրի, հայցը հանձնելու են դատարան, այսպես պատասխանեց Վարդան Պետրոսյանի փաստաբան Նիկոլայ Բաղդասարյանը:
Հիշեցնենք, որ քննիչ Հայկ Հակոբյանը վիրավորել էր դերասան Վարդան Պետրոսյանին` ասելով` «Դեռասանը մեյմունություն է անում»:
Նիկոլայ Բաղդասարյանն այստեղ տեսնում է քննիչի անձնական շահագրգռվածությունը ու նշում. «Հակառակ դեպքում ինչո՞ւ է նման կերպ վարվում Վարդան Պետրոսյանի հետ: Չէ՞ որ նա համբերատար պիտի այս գործը վարեր և ոչ թե վիրավորական արտահայտություն թույլ տար դերասանի նկատմամբ: Խնդիրը դրված է բարոյական հարթության վրա, հայցադիմում դատարան ներկայացնելը հնարավոր է միայն այն դեպքում, երբ հրապարակային վիրավորանքի դեպք է գրանցվում: Իրականում քննիչն էլ ընդունեց, որ իր արած արտահայտությունը սխալ է, ինչը մեզ համար ավելի կարևոր է, քան ցանկացած այլ բան»:
Նիկոլայ Բաղդասարյանը մեզ տեղեկացրեց, որ վաղուց միջնորդություն է ներկայացրել, որ դատական պրոցեսին, նախաքննության փուլին քննիչը չմասնակցի: Հարցին`դա ի՞նչ արձագանք է ստացել, պարոն Բաղդասարյանը պատասխանեց. «Ես բացարկը հանձնել եմ դատախազին: Բայց, ընդհանրապես, ոչ մի բացարկի, ոչ մի միջնորդության և բողոքի պատասխան չեմ ստացել: Ես այս վերաբերմունքը կարող եմ բնորոշել մեկ բառով `օրենքի խախտում»:
Կարդացեք նաև
Տաթև ՀԱՐՈՒԹՅՈՒՆՅԱՆ
Լուսանկարը` Փաստինֆո-ից
