ՀՀ ԱԺ արտահերթ նիստին գրանցված են եղել 45 պատգամավոր: ՀՀԿ-ի տեղը մաքուր է եղել: ԱԺ նախագահ Հովիկ Աբրահամյանն էլ ընթերցել է նիստը բոյկոտելու մասին կոալիցիոն որոշումը:
Այսօր խորհրդարանական ճեպազրույցներում ՀԱԿ խմբակցության քարտուղար Արամ Մանուկյանն ասաց, որ դա իր համար սպասելի էր: Այս ամենում, պատգամավորի համար ավելի ուրախալի էր այն, որ Դեմիրճյան փողոցում հարյուրներով երիտասարդներ են հավաքվում: Այժմ խորհրդարանը կաշխատի արտահերթ ռեժիմով, եթե երեք ժամվա ընթացքում քվորում ապահովվի, նիստը կկայանա:
Հիշեցնենք, որ նախաձեռնելով նիստը՝ ընդդիմադիրներն առաջարկում էին պարտադիր կուտակային կենսաթոշակային համակարգի ներդրման շրջանակներում նախագծից հանել պարտադիր բաղադրիչը`թողնելով կամավոր սկզբունքը եւ համակարգի ներդրումը հետաձգել մեկ տարով: Ըստ պատգամավորի, եթե այս առաջարկները ընդունվեին, բյուջեն «քանդվում» էր, քանի որ գալիք տարվա բյուջեի ողջ տրամաբանությունն այդ նախագծի վրա էր հիմնված:
Նա պատահական չի համարում, որ իր ելույթում երեկ Տիգրան Սարգսյանը հենց դրա վրա դրեց շեշտը:
Կարդացեք նաև
«Ընդդեմ կենսաթոշակային պարտադիր համակարգի նախաձեռնությունը», որն ԱԺ-ի մոտ հանրահավաք էր անցկացնում, ութ հազար մարդ է հավաքել սոցիալական ցանցերում: Արամ Մանուկյանը գտնում է, որ սա լավ առիթ է, որ այդ նախաձեռնության անդամ երիտասարդները, որոնք իր գնահատմամբ, առողջ մտածող մարդիկ են, շարժում ձեւավորեն:
Նելլի ԳՐԻԳՈՐՅԱՆ
