Ազգային ժողովի դիմաց մի խումբ քաղաքացիներ «Ընդդեմ կենսաթոշակային պարտադիր վճարների» պահանջով բոյկոտում են «Կուտակային կենսաթոշակների մասին» ՀՀ օրենքի նախագիծը, որը այսօր նախատեսվել էր քննարկել ԱԺ արտահերթ նիստում:
Այս պահին քաղաքացիները «Մենք դեմ ենք պարտադիր դրամահավաքին» եւ «Ոչ անարդարությանը» կոչերով շարժվում են ՀՀԿ գրասենյակ, բողոքելով, որ ՀՀԿ-ն տապալել է արտահերթ նիստը:
Ակտիվիստները նախատեսել են իրենց բողոքը ներկայացնել նաեւ կառավարության շենքի դիմաց: Նրանք պահանջում են օրենքի պարտադիր բաղադրիչի վերացում, ռիսկերի բացառում, հանրային լսումների կազմակերպում՝ շահագրգիռ անձանց մասնակցությամբ եւ հասարակության տեղեկատվության ապահովում:
Ակտիվիստներին միացել են նաեւ ԱԺ ՀԱԿ եւ ՀՅԴ խմբակցության պատգամավորները:
Մանրամասները՝ շուտով:
Արփինե ՍԻՄՈՆՅԱՆ
Լուսանկարը` Արեգ Գևորգյանի ֆեյսբուքյան էջից
