Մեկ ամիս առաջ Հայաստանի արտակարգ իրավիճակների նախարար ԱՐՄԵՆ ԵՐԻՑՅԱՆԸ ինքնասպանության դիմող երիտասարդին «փրկեց», մամուլն էլ գրեց, թե դա բեմադրված էր։
– Չե՞՛ք պատրաստվում մի անգամ էլ նման բեմադրություն անելու,- հարցրի ԱԻՆ ղեկավարին։
– Եթե հարցն այդպես եք ուղղում, ուզում եմ ասել, որ դերասան չեմ եղել, չեմ էլ լինի։ Եթե դուք այդպիսի ակումբներ ունեք, դուք կարող եք այդպիսի բաներ անել։ Պաշտոնը դնենք մի կողմ, եթե տղամարդն անցնում է, տեսնում, որ մեկն ուզում է մի անհեթեթ քայլ անել, ի՞նչ պիտի անի։
– Հենց Ձեր անցնելու պահի՞ն պիտի այդ տղան այնտեղ լիներ։
Կարդացեք նաև
– Այսինքն, նկատի ունեք, որ ասել եմ իրեն գնա այնտեղ կանգնիր, որ գամ քեզ փրկե՞մ։ Ես միշտ այդտեղով եմ գնում-գալիս։ Վարչապետի մոտ խորհրդակցության էի (կոնկրետ ժամը կա, կարող եք պարզել): Էդ մարդը կա, գնացեք իրեն հարցրեք՝ էդ ապուշությունն ինչի է արել։
– Իսկ դեմքն ինչո՞ւ էր կապել։
– Որովհետև ապուշի մեկն է։ Կապել է, որ իրեն չտեսնեն, չճանաչեն։ Ես էլ նույն հարցը տվել եմ, կես ժամ հետը զրուցել եմ, ամեն ինչ իրեն ասել եմ։ Հիմա Դուք էսպիսի բան եք ասում։ Ինձ համար դա չէ վիրավորականը, այլ այն, որ այդպես եք մտածում։ Ես իմ անձի հետ պրոբլեմ ունե՞մ, որ մեկին կանգնեցնեմ էնտեղ, հետո գնամ…
Ճեպազրույցը՝ Ռուզան ԽԱՉԱՏՐՅԱՆԻ
Հոդվածն ամբողջությամբ կարող եք կարդալ «Իրատես de facto» թերթի այսօրվա համարում
