«Ամերիկայի Ձայն». «Դավութօղլուի կողմից արված ոչ այնքան գաղտնի հայտարարությունը հրապարակայնացվեց էր Թուրքիայի կողմից՝ Ադրբեջանի հետ բանակցություններում սկզբնական դիրք ձևավորելու նպատակով». Մանոյան
«Թուրքիայի և Հայաստանի միջև երկաթգիծը վերաբացելու շուրջ Թուրքիայի մտորումներն ուղղված են Ադրբեջանի հետ բանակցություններում դիրքերի ձևավորման վրա»:
Այս մասին, ըստ «Հուրիեթ» պարբերականի, հասել է ՀՅԴ-ի Հայ Դատի և քաղաքական հարցերի գրասենյակի ղեկավար Կիրո Մանոյանը, որը մասնակցել է Ստամբուլում անցկացված Սոցիալիստական միջազգային համաժողովի աշխատանքներին:
«Կարծում եմ՝ պարոն Դավութօղլուի արված հայտարարությունն ավելի նման էր Ալիևի, այլ ոչ թե Հայաստանի հետ բանակցությունների ընթացքում դիրքեր զբաղեցնելուն: Համոզված չեմ, թե ինչ է Թուրքիան ակնկալում Ադրբեջանից, սակայն կարծում եմ, որ պարոն Դավութօղլուի կողմից արված ոչ այնքան գաղտնի հայտարարությունը, որն արվել էր փակ դռների հետևում անցկացված խորհրդարանի նիստի ժամանակ, հրապարակայնացվել էր Թուրքիայի կողմից՝ Ադրբեջանի հետ բանակցություններում սկզբնական դիրք ձևավորելու նպատակով», – ասել է Մանոյանը:
Կարդացեք նաև
Թուրքիայի արտգործնախարար Ահմեթ Դավութօղլուն այս ամսվա սկզբին հանդես էր եկել հայտարարությամբ, որի համաձայն Թուրքիան նախապատրաստվում է Հայաստանի հետ սահմանը բացելուն, և սահմանի բացումն իրականություն կդառնա՝ Ադրբեջանի հետ համաձայնություն ձեռք բերելուն պես:
Իր հայտարարությամբ Դավութօղլուն պատասխանել էր Իգդիրից «Ազգայնական շարժում» կուսակցության ներկայացուցիչ, Թուրքիայի խորհրդարանի անդամ Սինան Օղանի այն հարցին, թե արդյոք հայ-թուրքական սահմանին և երկու պետությունների միջև երկաթգծի վրա տարվող աշխատանքները սահմանը բացելուն ուղղված նախապատրաստական աշխատանքներ են:
Արտգործնախարար Դավութօղլուն հաստատել էր, որ դրանք Թուրքիայի և Հայաստանի միջև սահմանը բացելու նախապատրաստական աշխատանքներ են՝ նշելով, որ այս աշխատանքները «2015 թվականին նախապատրաստվելու մաս են կազմում»:
Արմեն Հովհաննիսյան
