«Որքա՞ն է ստվերի աստիճանը տնտեսության մեջ, ինչ չափի կրճատման մասին է խոսքը գնում»,- այսօր խորհրդարանում շարունակվող 2014 թվականի բյուջեի քննարկման ժամանակ ԿԲ նախագահ Արթուր Ջավադյանին հարց ուղղեց ՀՅԴ խմբակցության պատգամավոր Արծվիկ Մինասյանը: ԿԲ նախագահը պատգամավորի հարցին կոնկրետ պատասխան չտվեց: Ասաց, որ ստվերի կրճատման ցուցանիշներ հնչեցրել են թե վարչապետը, թե նախարարները, գնահատականներ հնչեցրել են նաև տարբեր աղբյուրներ, որոնց, ըստ ԿԲ նախագահի, ծանոթ է նաև Արծվիկ Մինասյանը: «Ստվերային տնտեսությունը, ասեմ քառասուն տոկոսից պակաս է կամ ավելի է… բան չի»,- ասաց ԿԲ նախագահը`խուսափելով հստակ ցուցանիշներ հրապարակելուց: «Ես նկատում եմ, որ բոլոր գնահատականներում դուք չեզոք դիրք եք գրավում: Ստացվում է, որ եթե անգամ կառավարությունը գնա կեղեքման ճանապարհով, դուք դրան գնահատական չեք տա»,- ԿԲ նախագահին արձագանքեց ՀՅԴ-ական պատգամավորը:
Նելլի ԳՐԻԳՈՐՅԱՆ
