Այսօր խորհրդարանում կառավարության հարց ու պատասխանի ժամանակ ԲՀԿ խմբակցության պատգամավոր Տիգրան Ուրիխանյանը հնչեցրեց այն հարցը, ոը հնչեցրել էր օրեր առաջ` խորհրդարանական հանձնաժողովներում գալ տարվա բյուջեի քննարկումների ժամանակ:
Հարցը վերաբերվում էր վարչական շենքերի վերանորոգումների համար նախատեսված բյուջետային գումարներին: Պատգամավորին մտահոգում է վարչական շենքերի պայմանների բարելավումն այն պարագայում, երբ շատ ավելի անմխիթար վիճակում են գտնվում սահմանամերձ բնակավայրերում բազմաթիվ կրթական եւ առողջապահական հաստատություններ: Այն ժամանակ հարցին պատասխանել էր կառավարության աշխատակազմի ղեկավար-նախարարը, ով պարզաբանեց, որ վերանորոգվելու են վարչական շենքերի ֆասադները, տանիքները:
«Երկու օր առաջ մի դպրոց էի գնացել հանրակրթական գործող դպրոց, որը գտնվում է ռազմական պատերազմական գործողությունների զոհ դարձած օբյեկտի կարգավիճակում: Նորից պետք է կրկնեմ այն ինչ բազմիցս ասել են ԲՀԿ իմ գործընկերները: Սահմանամերձ գյուղերում մանկապարտեզներ կան, որ ֆասադներ չունեն, առողջության առաջնային պահպանման կենտրոններ, կան որ տարրական պայմաններ չունեն: Օ ՜կառավարություն, հարց եմ ուզում տալ, միթե՞ հնարավոր չէ հետաձգելով տանիքների ու ֆասադների վերանորգումը եւ այդ երկու հարյուր միլիոնը տալ մանուկներին, հիվանդ երեխաներին: Ես կարծում եմ, սա ամենակարևոր հարցն է»,- հեգնանքով դիմեց պատգամավորը:
Հարցին պատասխանեց վարչապետ Տիգրան Սարգսյանը՝ «Հնարավոր է»:
«Կհանե՞ք այդ գումարները, որպեսզի Վահան գյուղի մանկապարտեզը, Չարբախի պոլիկլինիկան, Արարատի հանրակրթական դպրոցը վերանորոգվեն այս տարավ բյուջեով»,-շարունակեց պատգամավորը:
«Ավարտեցիք»,- հետաքրքրվեց վարչապետն ու կտրուկ ասաց. «Ոչ»:
Կարդացեք նաև
Նելլի ԳՐԻԳՈՐՅԱՆ
