Թուրքիայում պատմական շենքը հայ համայնքին վերադարձնելուց հետո այն վարձակալման է տրվել և կօգտագործվի որպես հյուրանոց: Հայտնում է «Հյուրիեթ» թերթը:
«Սելամեթ հան» (փրկության տուն) շենքը Սուրբ Փրկիչ հայկական հիվանդանոց հիմնադրամին է վերադարձվել 2011թ. փետրվարին: Հիմնադրամի նախագահ Պետրոս Շիրինօղլուն հայտնել է, որ շենքը տրվել է վարձակալության և ավելացրել, որ այն ծառայելու է որպես հյուրանոց և ռեստորան, իսկ ստացված եկամուտն ուղղվելու է հիվանդանոցին:
«Սելամեթ հան»-ը գտնվում է Ստամբուլի Էմինոնը թաղամասում: Այն կառուցել է ճարտարապետ Հովսեփ Ազնավուրը, իսկ 1954թ. գործարար Գալուստ Գյուլբենկյանը նվիրաբերել Սուրբ Փրկիչ հայկական հիվանդանոցին: Կառավարությունը շենքը առգրավել էր 1974թ.:
Կարդացեք նաև
Պատրաստեց Հովհաննես ԻՇԽԱՆՅԱՆԸ
