Խնդիրն առնչվում է Բագրատաշենում շուկա գործարկելուն
2013թ. սեպտեմբերի 9-ին Տավուշի մարզպետարանը Վարչական դատարանի Սեւանի նստավայր հայց է ներկայացրել ընդդեմ Բագրատաշենի գյուղական համայնքի ավագանու: Ըստ «Դատալեքս» կայքի` վարչական հայցով մարզպետարանը պահանջում է անվավեր ճանաչել Բագրատաշեն համայնքի ավագանու 2010թ. ապրիլի 27-ի թիվ 04 նիստի թիվ 20-Ա որոշումը, լուծել որպես այդ որոշման իրավական հետեւանք հանդիսացող, 2010թ. մայիսի 12-ին Բագրատաշեն գյուղական համայնքի եւ քաղաքացի Էրիկ Սեդրակյանի միջեւ կնքված վարձակալության պայմանագիրը:
Բագրատաշենի համայնքապետարանից տեղեկացանք, որ հայցը վերաբերում է Բագրատաշենում տոնավաճառ կազմակերպելու համար տարածք հատկացնելուն: Սույն վարչական գործով դատաքննության հերթական նիստը նշանակված է դեկտեմբերի 6-ին: Նախկինում տեղեկացրել ենք Բագրատաշենում տոնավաճառ կազմակերպելու հարցի կապակցությամբ առեւտրի իրականացման վայրի կազմակերպման գործունեության լիցենզիա ունեցող «Էլագրա» ՍՊԸ-ի եւ հարկային տեսչության, հարկային տեսչության եւ թվով 10 բագրատաշենցիների միջեւ դատական վեճերի մասին:
Կարդացեք նաև
Ոսկան ՍԱՐԳՍՅԱՆ
