«Ի՞նչ հեղափոխություն, ինչի՞ց, Հայաստանից հեչ դուրս եկե՞լ եք, սաղ տեղերն ընտի՞ր ա, հլա ասա տենամ, որտե՞ղ ա լավ»,- այսօր խորհրդարանում լրագրողների հետ զրույցում հարցին հարցով պատասխանեց ԱԺ ՀՀԿ-ական գեներալ-պատգամավոր Սեյրան Սարոյանը՝ անդրադառնալով Շանթ Հարությունյանի ակցիային: Դիտարկմանը, որ մեր երկրի իրավիճակի մասին ենք հիմա խոսում, Սեյրան Սարոյանը հակադարձեց. «Քու իրավիճակում ի՞նչ վիճակ ա, հլը մի հատ ասա»:
Անդրադառնալով Շանթ Հարությունյանի արարքին՝ Սեյրան Սարոյանը նշեց. «Է դժգոհ ա, տեսար ի՞նչ իրավիճակ ա հիմա, հիմա գո՞հ ա: Հիմա ինքը իրա վիճակից գո՞հ ա: Չի կարելի քաղաքի մեջտեղ փետերն առած մարդկանց տփես, խոմ ըտե՞նց չի: Օրենքի մարդուն ո՞նց ես տփում, էդ օրենքի մարդն իրա գործն ա անում, ինչի՞ համար ա խփում էդ մարդկանց: Ի՞նչ ընդվզում՝ փետերո՞վ, ա՜հ մալադեց»:
Լրագրողներից մեկի դիտարկմանը, որ Սյունիքի նախկին մարզպետ Սուրեն Խաչատրյանը չպատժվեց, մինչդեռ օրենքի առջեւ բոլորը պետք է հավասար լինեն, Սեյրան Սարոյանը պատասխանեց. «Արտակ Բադուղյանին ո՞վ էր ասում էթար Սուրենի տան վրեն, հլա ասա: Քու տան վրեն, որ հարձակվեմ, ի՞նչ կանես ինձի»:
Նելլի ԳՐԻԳՈՐՅԱՆ
