«Հարավային Դարպաս». Այս տարի «Փյունիկ» հիմնադրամը որոշ ձևական խնդիրների պատճառով չկարողացավ օգնել Ջավախքին:
Վերջին տարների ընթացքում «Փյունիկ» հիմնադրամը պարբերաբար աջակցում է Ջավախքի դպրոցներին տրամադրելով անհրաժեշտ գույք և գրենական պիտույքներ:
«Այս տարի ցավոք չենք կարողացել որևէ բան բերել Ջավախք, ոչ նրա համար, որ չենք ուզեցել կամ չունենք, այլ որոշ ձևական կողմեր կան, որոնք պետք է լուծվեն: Ես կարծում եմ, որ շուտով և Ջավախքի, և Վրաստանի ղեկավարությունը կլուծեն բոլոր ձևական հարցերը և մենք կկարողանանք ծրագրեր իրականացնել: Այս պահին մենք սահմանն անցնելու, այսինքն մաքսային խնդիրներ ունենք»,- ասաց «Փյունիկ» մարդկային ռեսուրսների զարգացման հիմնադրամի նախագահ Լևոն Սարգսյանը:
«Ոսկե ծիրանն անիվների վրա» կինոփառատոնի ցուցադրությունները Ախալքալաքում ընթացավ «Փյունիկ» մարդկային ռեսուրսների զարգացման հիմնադրամի աջակցությամբ:
«Ոսկե ծիրանը բերել ենք Ջավախք, որպեսզի այստեղի բնակիչները ևս կարողանան մասնակիցը դառնալ արվեստի տոնին, որովհետև բոլորը չէ, որ հնարավորություն ունեն գնալ Երևան և մասնակցել կինոդիտումներին»,-նշեց փառատոնի պատվավոր նախագահ Լևոն Սարգսյանը:
Կարդացեք նաև
Աղունիկ Այվազյան, Ախալքալաք
