Կոտայքի մարզի ընդհանուր իրավասության դատարանում հենց նոր՝ 22.44-ին ավարտվեց դերասան Վարդան Պետրոսյանի նկատմամբ խափանման միջոց ընտրելու հարցով դատական նիստը: Նրա պաշտպան Նիկոլայ Բաղդասարյանը դուրս եկավ դատարանից եւ ասաց, որ խափանման միջոց է ընտրվել կալանքը:
Հիշեցնենք, որ Վարդան Պետրոսյանը մեղադրվում է ավտովթարի համար, որի հետեւանքով զոհվել է երկու անչափահաս երեխա, մի քանի անձ ծանր վիրավորվել է: Նրան մեղադրանք է առաջադրվել Քրեական օրենսգրքի 242-րդ հոդվածի 3-րդ մասի հատկանիշներով՝ երթեւեկության անվտանգության կամ շահագործման կանոնները խախտելը, «որն անզգուշությամբ առաջացրել է երկու կամ ավելի մարդու մահ` պատժվում է ազատազրկմամբ` չորսից տասը տարի ժամկետով»:
Վարդան Պետրոսյանին ուղեկցելու համար դատարանի (Աբովյանի նստավայր) ետնամուտքին է մոտեցել նաեւ շտապօգնության ավտոմեքենան:
23.17-ին դատարանից պատգարակով դուրս բերվեց Վարդան Պետրոսյանը: Կինը փորձեց բարձրանալ շտապ օգնության ավտոմեքենան՝ ասելով, թե ինքը նրա կինն է եւ Ֆրանսիայի քաղաքացի, ու շուտով դեսպանատան աշխատակիցներն էլ պիտի գան: Սակայն նրան իջեցրեցին շտապօգնության մեքենայից՝ ասելով, թե Վարդան Պետրոսյանը վատ է զգում:
Կարդացեք նաև
Վարդան Պետրոսյանի քրոջ հարցին, թե ո՞ւր է նա տարվում՝ պատասխանեցին. «Դատապարտյալների հիվանդանոց»:
Ռուզան ՄԻՆԱՍՅԱՆ
լավ չի
Իսկ ինչու չբավարարվել ստորագրությամբ “չբացակայելու” վերաբերյալ?
Այս դեպքը սկսում է հերթական լակմուսի թղթի դերը կատարել “իրավապահների” աշխատանքի համար:
Իհարկե, կարելի էր ստորագրությամբ բաց թողնել, հո վտանգավոր հանցագործ չի:Ճանաչումն ու հարգանքն ո՞ւր մնացին:
Եթե Վարդան Պետրոսյանի հետ են այդպես վարվում, ապա ինչպես են վարվում նրանց հետ, ում գործերը մամուլը չի լուսաբանում: Իսկ Լիսկաները մնում են ազատության մեջ … Ահա թե ինչու են մարդիկ փախչում Հայաստանից: