Եղվարդ-Երեւան ճանապարհին հոկտեմբերի 20-ին վթարի ենթարկված եւ կասկածյալի կարգավիճակում գտնվող հայտնի դերասան Վարդան Պետրոսյանի գործով առկա է փորձագետների եզրակացություն: Այս մասին NEWS.am-ին է ասել Փաստաբանների դպրոցի նախագահ, դերասանի փաստաբան Նիկոլայ Բաղդասարյանը:
Նա նշեց, որ երեկ առկա է եղել փորձագետների եզրակացությունը, սակայն քննիչը դրան չի ծանոթացրել իրենց, ինչը պարտավոր էր անել: Ավելին, նրանք նաեւ գրավոր միջնորդություն են ներկայացրել, որպեսզի քննիչը տրամադրի օրենքով նախատեսված փաստաթղթերը, այդ թվում՝ փորձագետների եզրակացությունը, սակայն մինչ օրս այն չի տվել:
Առկա է նաեւ փաստաբանի՝ ձերբակալման որոշման մասին ներկայացրած բողոքի պատասխանը, որը դեռեւս իրեն չի հասել: Երեկ երեկոյան, ժամը 18.30-ին, զանգահարել եւ հայտնել են, որ որոշումը առկա է, սակայն փաստաբանը արդեն հասել էր Երեւան, նորից չէր կարող վերադառնալ Եղվարդ եւ վերցնել այն: Այսօր պետք է որոշվի Վարդան Պետրոսյանի ճակատագիրը, մասնավորապես՝ նրան մեղադրա՞նք են առաջադրում եւ կալանավորում, թե՞…: Սակայն մինչ այս պահը քննիչին որեւէ ծանուցագիր չեն փոխանցել, որում կհայտնեն, որ այսինչ ժամին լինելու է նման գործողություն եւ այլն:
Նիկոլայ Բաղադասրյանը տեղեկացրեց, որ այսօր քննիչին բացարկ են ներկայացնելու եւ այն հանձնելու են համայնքի դատախազին՝ ֆիքսելով բոլոր խախտումները:
Կարդացեք նաև
«Անիմաստ է դարձել իր հետ աշխատել, անկազմակերպ քննություն է, տպավորություն է, թե չեն կարողանում քննություն իրականացրել»,- ասաց փաստաբանը՝ հավելելով, որ երեկ քննիչը հեռացել էր՝ անավարտ թողնելով հարցաքննությունը, նախադասությունը կիսատ է մնացել, ինչի ապացույցը այն է, որ չկա արձանագրություն, այն չի տվել Վարդան Պետրոսյանին, որ ստորագրի:
Նյութն ամբողջությամբ կարող եք կարդալ սկզբնաղբյուր կայքում:
