azatutyun.am. Ռազմաքաղաքական հետազոտություններով զբաղվող Բոննի Կոնվերսիայի Միջազգային կենտրոնը հրապարակել է Ռազմականացման 2013 թվականի ինդեքսը` աշխարհի 149 երկրների համար, որը արտահայտում է 2012 թվականի իրադրությունը: Այստեղ Հայաստանը և Ադրբեջանը հայտնվել են ամենառազմականացված երկրների առաջին տասնյակում. Հայաստանը 4-րդ տեղում է, իսկ Ադրբեջանը` 8-րդ:
Զեկույցի հեղինակները նշում են, որ այս տարվանից իրենց հասանելի է նաև Հայաստանում պահեստազորայինների թվի մասին տեղեկությունը, և, նոր տվյալները հաշվի առնելով, իրենք վերահաշվարկել են նաև նախորդ երկու տասնամյակում Հայաստանի ունեցած միավորները, ինչի հետևանքով Հայաստանի դիրքը զեկույցում զգալիորեն բարձրացել է: Անցյալ տարի, օրինակ, առանց պահեստազորայինների թիվը հաշվի առնելու, զեկույցը Հայաստանը ռազմանականացված երկրների առաջին տասնյակից դուրս էր թողել, մինչդեռ այս տարի արդեն ամբողջական տեղեկատվության հիման վրա Հայաստանը 4-րդն է:
Զեկույցում նշված է, որ ռազմական պոտենցիալի արագ աճը Կովկասում զուգորդվում է հոխորտալի դիվանագիտական հռետորաբանությամբ և Լեռնային Ղարաբաղի երկարատև հակամարտության վերսկսման վտանգով:
Կարդացեք նաև
Հոդվածն ամբողջությամբ` սկզբնաղբյուր կայքում
