Երկուշաբթի օրը Նախախորհրդարանը հանրային քննարկումների սեղանին կդնի նոր Հայաստանի ձեւավորման եւ զարգացման համար իրենց մշակած ռազմավարական հայեցակարգի սոցիալ տնտեսական ոլորտին վերաբերող առաջարկները:
«Ազգային հարստության ստեղծման հնարավորությունների ավելացում եւ ստեղծված հարստության արդար ձեւաբաշխում, ստեղծագործելու հնարավորությունների ստեղծում, բարձր տեխնոլոգիաների խթանում, երկրի տնտեսական աճը հիմնել բարձր տեխնոլոգիաների վրա»,- սոցիալտնտեսական ոլորտի առաջնահերթ փոփոխություններն, ըստ իրենց հայեցակարգի, այսօր «Նոյան տապան» ակումբում թվարկեց Նախախորհրդարանի անդամ Ալեք Ենիգոմշյանը:
Նրա խոսքով. «Սա ապագա պետության սոցիալ-տնտեսական քաղաքականության եւ կյանքի տեսլականն է, թե ինչպես իրականացնել, արդեն քաղաքական խնդիր է: Նախ պետք է այսօրվա ռեժիմի փոփոխությունը տեղի ունենա, եթե տեղի չունեցավ, այսօրվա պայմաններում կիրառելի հայեցակարգ չէ: Քաղաքական փոփոխության խնդիր է դրվում, իշխանափոխություն, համակարգափոխություն: Նոր համակարգում է, որ այս պատրաստված ծրագրերը պետք է իրականություն դառնան»:
Նա նաեւ ասաց, որ հայեցակարգում ընդգրկված մյուս ոլորտներին վերաբերող իրենց առաջարկները հանրային քննարկման կդրվեն հաջորդ ամիսներին, իսկ առայժմ դրանց մասին նա չի խոսի:
Կարդացեք նաև
Արփինե ՍԻՄՈՆՅԱՆ
