«Շանթը ինքնատիպ մարդ է եւ գնաց ինքնատիպ քայլի: Նմանատիպ քայլ սրանից տարիներ առաջ արեց Գեւորգ կաթողիկոսը՝ արտաքին աշխարհի թշնամիների դեմ. խաչը ձեռքին՝ ազգը տարավ իր հետեւից: Շանթի գործողությունները պետք է նայել հենց այսպես ներքին թշնամու դեմ կռիվ: Նրա գործողությունն այսօր ձոն էր, կանչ, կոչ մեր ազգին՝ ժողովուրդ ոտքի կանգնեք, հերիք է քնեք»,- այսօր Ազատության հրապարակում ազատամարտիկների հավաքի ժամանակ ասաց ազատամարտիկ Հակոբ Հակոբյանը՝ դատապարտելով Շանթ Հարությունյանի գործողությունները դատապարտողներին. « Համակարգչային հայրենասերները նորից գլուխ են բարձրացրել, ինչ որակումներ ասես որ չեն տալիս»:
Նրա համոզմամբ, Հայաստանի իշխանությունները ոչինչ չեն անելու, նույնիսկ եթե իշխանական համակարգում գտնվեն մի քանի հոգի ու խիստ ցանկանան փոփոխություններ անել, էլի չեն կարողանալու. «Որովհետեւ Հայաստանում մոլեգնում է բիզնեսի տեռորը: Այս իշխանություններն արդեն ճողվել են բիզնեսի տեռորի տակ: Այնքան են կերել, որ դրսից նրանց շանտաժի են ենթարկում: Եթե ցանկանան էլ չի ստացվելու իրենց մոտ: Պետք չէ հովանավորներ գտնել Ռուսաստանում, ԱՄՆ- ում , Եվրոպայում, պետք է համախմբվել եւ աշխարհին ցույց տալ, թե ինչպիսի ազգ կարող ենք լինել ու ապրել»:
Նրա խոսքով, աշխարհի այլասերումից էլ մարդիկ զոմբիացել են , իսկ զոմբիացածները հեշտ է կառավարվում. «Շանթը ինքնատիպ ձեւով զոհեց իրեն այսօր: Խոսքս ուղղում եմ մեր ոստիկանապետին՝ չփորձես այս երիտասարդության հայրենասիրական հոգին կոտրել: Ժողովուրդ ոտքի կանգնեք, տեր կանգնեք այս երիտասարդությանը»:
Արփինե ՍԻՄՈՆՅԱՆ
Կարդացեք նաև
Տեսանյութը շուտով
