«Ժամանակակից մուսավաթ» կուսակցության նախագահ Հաֆիզ Գաջիեւը սպառնացել է Ադրբեջանի եվրոպական շարժման ղեկավար Ռամին Գաջիլիին՝ Երեւանում հայ աղջկա հետ պարելու համար: Գաջիեւը հայտնել է, որ իրենց կուսակցության երիտասարդներին հրահանգելու է ծեծել Գաջիլիին: Հայտնում է «1նյուզ.ազ»-ը՝ հղում անելով «Մոդերատոր.ազ»-ին:
«Ռամիլ Գաջիլիի Հայաստանում ունեցած զվարճանքը անպատժելի թողնելը սխալ է: Իրավապահ մարմինները այս հարցի հետ կապված պետք է հետաքննություն սկսեն ու համապատասխան միջոցներ ձեռնարկեն: Անձամբ ես կդիմեմ իմ կուսակցության երիտասարդ ակտիվիստներին, որ նրանք մոտակա օրերս ծեծեն Գաջիլիին», – ասել է Գաջիեւը:
Գաջիլին արձագանքելով Գաջիեւի հայտարարությանն՝ ասել է, որ ինքը դրանից անակնկալի չի եկել:
«Համոզված եմ, որ «Ժամանակակից մուսավաթ»-ի առաջնորդը չի կարող կյանքի կոչել այդ սպառնալիքները, ինչպես չի կարողացել իրականացնել նախկինում իր տված խոստումները»:
Կարդացեք նաև
«Ժամանակակից մուսավաթ» կուսակցությունը այս տարվա սկզբին 10 000 մանաթ (մոտ 5 միլիոն դրամ) էր խոստացել ադրբեջանցի գրող Աքրամ Այլիսլիի ականջը կտրողին, որը համարձակվել էր «Քարե երազներ» վեպում հայերին դրական կողմով ներկայացնել:
Պատրաստեց Հովհաննես ԻՇԽԱՆՅԱՆԸ
