Վերջին շրջանում կրկին ակտիվացել են տրանսպորտի մասին թանկացման լուրերը: Ճիշտ է, քաղաքապետարանի պատասխանատուները չեն նշում, թե հստակ երբ և ինչ չափով են ցանկանում թանկացնել քաղաքային տրանսպորտը, սակայն մի բան հստակ է. ցանկացած թանկացում միանշանակ ազդելու է ժողովրդի առանց այդ էլ ծանր սոցիալական իրավիճակի վրա և հանգեցնելու է նոր սոցիալական լարվածության: Ելնելով վերոնշյալից, մենք՝ Հնչակյան երիտասարդներս, կարծում ենք, որ այս հարցը պետք է լուծվի ոչ թե հօգուտ մի քանի գծատերերի, այլ Հայաստանի Հանրապետության շարքային քաղաքացու, ում համար 50 դրամն անգամ լրջագույն նշանակություն ունի ընտանեկան բյուջեն պլանավորելիս: Արդ, հորդորում ենք քաղաքապետարանին հրաժարվել տրանսպորտի թանկացման ցանկացած ծրագրից: Վստահ ենք, որ մի խումբ գծատերեր կկարողանան իրենց հանապազօրյա հացի հարցը լուծել առանց քաղաքացու դառը քրտինքով վաստակած գումարների:
ՍԴՀԿ «Սարգիս Տխրունի» ուսանողական-երիտասարդական միություն
06.11.2013
