«Խորհրդային միության Կենտկոմը որոշեց թույլ տալ աղանդների գրանցումը եւ Հայաստանը դարձնել փորձադաշտ: Այսօր, ցավոք, մենք մեր հույսը դրել ենք 150-200 քահանաների վրա, որ նրանք պայքարեն աղանդների դեմ»,- այսօր «Նոյյան տապան» լրատվական կենտրոնում խոսելով աղանդավորական շարժումների մասին՝ ասաց հասարակական-քաղաքական գործիչ եւ այս հարցով մտահոգ Խաչիկ Ստամբոլցյանը, նշելով, որ աղանդավորների դեմ հնարավոր չէ պայքարել նրանց ծեծել-ջարդելով, հարկավոր է այլ մոտեցում:
«Հոգեորսությունը քրեորեն դատապարտելի է, բայց դրա դեմ ոչ մի հոդված չկա: Ես եթե բողոքեմ, սա, իհարկե, քրեական գործ է, բայց ոչինչ անել չեն կարող»,- ասում է Խաչիկ Ստամբոլցյանը, նշելով, որ աղանդավորները դպրոցում կամ այլ տեղեր ներքին կարգով գալիս սկսում են քարոզել, միջոցառում են կազմակերպում, անունը դնում մշակութային, բայց դրա տակ քարոզ անում:
Նա նաեւ գտնում է`«Այսօր մենք խնդիր ունենք եւ ԱԺ-ի հետ, որ նորմալ օրենք չունենք, եւ ԿԳ նախարարության հետ: Բայց այս հարցերի հետ կապված՝ նախարարությունը պետք է շատ խիստ լինի, ամեն մեկին դպրոց չթողնի»,- ավելացրեց Խաչիկ Ստամբոլցյանը:
Եվա ՀԱԿՈԲՅԱՆ
Կարդացեք նաև
