Հայաստանյան լրատվամիջոցները գուժում են, որ ծանրամարտի միջազգային ֆեդերացիան այս տարի արգելված խթանիչներ օգտագործած լինելու պատճառով Հայաստանի վեց ծանրորդների տարբեր ժամկետներով որակազրկել է ու նրանց անունները մյուս երկրների պատժված մարզիկների ընդհանուր ցուցակում տեղադրել իր պաշտոնական կայքում:
Aravot.am-ը փորձեց մեկնաբանություն ստանալ Հայաստանի ծանրամարտի ֆեդերացիայի նորընտիր փոխնախագահ Վահան Խեչոյանից, սակայն հեռախոսազանգերին պատասխանող չեղավ: Իսկ ֆեդերացիայի գլխավոր քարտուղար Փաշիկ Ալավերդյանը պատասխանեց, որ իրենք միջազգային ֆեդերացիայից այդ մասին պաշտոնական ոչ մի գրություն չեն ստացել, հետեւաբար, առայժմ ձեռնպահ մնաց մեկնաբանություններ տալուց:
Աշոտ ՀԱԿՈԲՅԱՆ
