«Նախախորհրդարանի» համակարգող Գարեգին Չուգասզյանին «Ծածկած շուկայի» շինարարական ապօրինությունների դեմ պայքարը վերջին երկու ամիսներին ցույց է տվել կառավարման համակարգի «խորը խոցերը»:
«Վիշապն իրականում բազմագլուխ է եւ տարբեր տեղեր է իրեն դրսեւորում: Դրա համար ասում են, որ օգտակար չէ պայքարը, որովհետեւ տարբեր տեղերում վիշապը կարող է գլուխ բարձրացնել: Վերջին շրջանում քաղաքացիական շարժումները ճնշելու ու լռեցնելու համար նոր մեթոդներ են գործի դրվում: Այստեղ առաջին անգամ կիրառվում է քաղաքական դարչնագույն տեխնոլոգիաներ, երբ փորձում են կեղծել քաղաքացիական շարժումը: Եվ սա արվում է մի ուժի կողմից, որը հայտնի է իր կեղծիքների պատմությամբ: Օղիների, դեղերի հայտնի կեղծումներից, հիմա արդեն գլխարկների գույներն են կեղծվում, քաղաքացիական շարժումն է կեղծվում: Փորձ է արվում հասարակությանը հուսահատեցնել` վիճակն այնքան անտանելի է, որ հասարակությունը չկարողանա կողմնորոշվել` ով ով է, ինչի համար է պայքարում»,- այսօր «Տեսակետ» ակումբում ասաց պարոն Չուգասզյանը:
Նրա խոսքով, ԱԺ պատգամավոր Սամվել Ալեքսանյանի աջակիցները սկսել են նաեւ նվաստացնել հասարակության որոշ շերտերի ներկայացուցիչներին. «Չարքաշ հովիվներին բերելով քաղաք` իրենց այծերով, արոտավայր դարձնելով քաղաքի կենտրոնը, կանանց նվաստացնելով: Դուրս են բերել մի մեծ բանդա, գործ ունենք քրեական տեսակի հետ, որը անարգել դուրս է եկել»:
Հարցին, թե երբ անգամ մշակույթի նախարարն է հայտարարում, որ հոգնել է «Ծածկած շուկայի» մասին խոսելուց, ի՞նչ հույս ունեք, որ կհասնեք շուկայի վերականգնմանը, «Նախախորհրդարանի» անդամ Վարդան Հակոբյանը պատասխանեց. «Հոգնելը քաղաքական կատեգորիա չէ, հոգնելուց չես ազատվում պարտականություններից: Քաղաքապետն ու մշակույթի նախարարն անձամբ պատասխանատվություն են կրում անօրինական գործընթացի համար`որ չկա շինթույլտվություն, այնտեղ առեւտուր անելու թույլտվություն: Մի ամբողջ հանցագործությունների շարք, որը հերթով պետք է վերացվի, ով հոգնում է՝ կարող է չմասնակցել, բայց դա չի ազատում պարտականություններից ու պատասխանատվությունից»;
Կարդացեք նաև
Արփինե ՍԻՄՈՆՅԱՆ
Ասե՞նք Սամվել Ալեքսանյանն ինչ ա ուտում