«Կանազի» կայազորային կլինիկական հոսպիտալից նոյեմբերի 2-ի կեսգիշերի սահմաններում հոսպիտալի հոգեբուժական բաժանմունքից փախուստի դիմած չորս զինծառայողներն էլ այս պահին գտնվում են հոսպիտալում՝ առանձին սենյակներում։
Այս մասին այսօր «Ա1+»-ին հայտնել է ՊՆ մամուլի խոսնակ Արծրուն Հովհաննիսյանը։
«Զինվորների նկատմամբ հսկողություն է իրականացվում։ Կատարվում է հետաքննություն։ Առայժմ քրեական պատասխանատվության մասին խոսք լինել չի կարող»,-ասել է պարոն Հովհաննիսյանը։
ՊՆ մամուլի խոսնակը հերքում է այն լուրերը, թե զինծառայողներին հոսպիտալում ծեծի են ենթարկել. «Նման բան չի եղել, կռիվ եղել է, բայց զինվորներին չեն ծեծել»։
Արդյո՞ք զինծառայողները բանակ են մեկնել՝ ունենալով հոգեբանական խնդիրներ.«Բանակ չեն մեկնել հոգեբանական խնդիրներով։ Մարդը ցանկացած պահի կարող է հոգեբանական սթրեսի մեջ հայտնվել։ Զինվորներից ամեն մեկի մոտ տարբեր բնույթի է»,-հայտնել է ՊՆ մամուլի խոսնակը։
Կարդացեք նաև
Նյութի մանրամասնակերը կարդացեք այստեղ:
