Այսօր խորհրդարանում 2014 թվականի բյուջետային հատկացումների հարցի քննարկման ժամանակ անկախ պատգամավոր Խաչատուր Քոքոբելյանը դիմելով ՀՀ էկոնոմիկայի նախարար Վահրամ Ավանեսյանին՝ մասնավորաբար, խոսեց ոլորտում հարկերի խնդիրների մասին: «Պետք է արձանագրենք, որ Հայաստանում բարձր տեխնոլոգիաների ոլորտում որևէ խնդիր չի լուծվում, բայց բոլոր պաշտոնյաները հայտարարում են, որ դա գերակա ոլորտ է»,- ասաց Քոքոբելյանը:
«Ես ուրախ եմ, որ ձեզ հնարավորություն տվեցի նման ելույթ ունենալ»,- պատասխանեց էկոնոմիկայի նախարարը`նշելով, որ ոլորտին տրվող ցանկացած արտոնության դեպքում պետք է քննարկել՝ դա բերելու է ոլորտի եկամտի ավելացմա՞նը, ոլորտի աճի՞ն, թե՞ ոչ: «Միայն հարկայինը չէ, ամենակարևորագույն հարցը, որ կա Հայաստանի Հանրապետությունում, դա կադրերի խնդիրն է: Այստեղ կառավարության, համալսարանների հիմնական աշխատանքները ակնհայտ կարող եք տեսնել: Ամբողջ աշխարհում տեղեկատվական տեխնոլոգիաների ոլորտում կադրերի պակասը լուրջ խնդիր է»,- ասաց Ավանեսյանը:
Նախարարին ընդհատեց նիստը վարող ԱԺ տնտեսական հարցերի մշտական հանձնաժողովի նախագահ Վարդան Այվազյանը, որը թույլ չտվեց ՏՏ ոլորտի մասին մանրամասն խոսել:
«Եկեք արձանագրենք, որ ինձ թույլ չեք տալիս ասել այն, ինչ ուզում եմ»,- նեղսրտեց էկոնոմիկայի նախարարը:
Կարդացեք նաև
Նելլի ԳՐԻԳՈՐՅԱՆ
