Այսօր խորհրդարանում 2014 թվականի պետական բյուջեի նախագծի քննարկումների ժամանակ պատասխանելով ՀԱԿ պատգամավոր Արամ Մանուկյանի հարցին, ՀՀ էներգետիկայի նախարար Արմեն Մովսիսյանն անդրադարձավ շաբաթ օրը հանրապետությունում տեղի ունեցած վթարին: Պատգամավորը հետաքրքրվեց`ի վերջո ի՞նչ էր տեղի ունեցել, ինչ-որ մեկը պատժվե՞ց այդ ծավալի վթարի համար:
Արմեն Մովսիսյանն ասաց, որ Իրանի հետ էլեկտրաէներգիայի մեծ փոխհոսքեր ունենք ու երկար բացատրեց խնդրի տեխնիկական կողմը:
Նախարարը տեղեկացրեց, որ վթարի պահին Իրանից Հայաստան ներկրումը երկուհարյուր մեգաբայթ է կազմել, անմիջապես տեխնիկական միջոցներ են ձեռք առնվել: Ասաց, որ ուղիղ երկու րոպե հետո իրանական կողմում վթարը կարգավորված էր, բայց քանի որ տեխնիկական հզորությունների հսկայական տարբերություն կար՝ հայկական կողմում փոքր ինչ զգուշավոր են գտնվել: Որպեսզի լրացուցիչ վթարներ չլինեն, հոսանքազրկվել է ամբողջ համակարգը: Խնդրի կարգավորումը երեք-երեքուկես ժամ է տեւել:
Նախարարն ասաց, որ տասներեք տարվա ընթացքում սա առաջին դեպքն էր, որ նման խոշոր վթար է լինում: Ուսումնասիրություններ կարվեն եւ տարբերակներ կմշակվեն` առաջիկայում նման բաներից խուսափելու համար:
Կարդացեք նաև
«Այս վթարի նախնական վերլուծությունը ցույց է տալիս, որ մեզ մոտ ամեն ինչ կարգավորված է, բայց ֆորս-մաժորային իրավիճակներ միշտ էլ հնարավոր են»,- ասաց Արմեն Մովսիսյանը`հավելելով, որ մեր համակարգը նաեւ բավականին ծեր է եւ այսօրվա ծրագրերի մի մասն էլ հենց դրան է վերաբերվում:
Նելլի ԳՐԻԳՈՐՅԱՆ
Երբվանից եք սկսել էլեկտրոէներգիան մեգաբայթով հաշվել.գերազանց է, բրավո.