Բուրսա նահանգի փոքրիկ գյուղերից մեկը դարձել է գանձերի որոնման ժամանակակից հեքիաթի վայր, այն բանից հետո, երբ տեղական մարմինները սկսել են հայերին պատկանող ոսկիներն ու այլ իրերը փնտրել: Գրում է «Հյուրիեթ» թերթը:
Պաշտոնյաները հնագետներից կազմված խումբ են ստեղծել, որը Կերամեթ գյուղի տներից մեկի տակ պեղումներ է սկսել, որտեղ, ըստ նրանց, պետք է թաղված լինեն հայ ընտանիքիներին պատկանող արժեքավոր իրեր:
«Ըստ այստեղի տարեցների, Կերամեթ գյուղում հայկական շատ ընտանիքներ կային: Բացի մեկ ընտանիքից, մնացած բոլորը հեռացել են գյուղից: Այդ մի ընտանիքն, ըստ երևույթին, ասել է, որ հայերը փախուստից առաջ իրենց թանկարժեք իրերը թաքցրել են մեր տան տակ», – ասել է տան տերը՝ Էֆքան Արըն:
«Խոսակցությունները տարիներ շարունակ պտտվում էին: Երբ մուխտարը (գյուղապետ) սկսեց անհանգստանալ, որ լքված տունը կարող է ամեն վայրկյան փլուզվել, կարգադրեց քանդել այն: Մենք ուզում էինք պեղումներ սկսելու թույլտվություն ստանալ», – ասել է Արըն:
Կարդացեք նաև
Թույլտվություն ստանալու համար նրանք մեկ տարի սպասել են: Պեղումները սկսվել է նոյեմբերի 1-ին, ժանդարմերիայի հսկողության ներքո:
Համաձայն թուրքական օրենքի, եթե որևէ ոսկի հայտնաբերվի, այն պետք է բաժանվի պետության և տան սեփականատիրոջ միջև:
Պատրաստեց Հովհաննես ԻՇԽԱՆՅԱՆԸ
