«Ամերիա» ընկերությունների խմբի կատարած հետազոտություններով պարզվել է, որ ամբողջ Հայաստանի հետ համեմատած Վանաձորում բիզնեսի նկատմամբ պահանջարկը նվազել է:
Այդ մասին այսօր լրագրողների հետ զրույցում ասաց «Ամերիա» ընկերությունների խմբի զարգացման տնօրեն Տիգրան Ջրբաշյանը:
Նա նշեց, որ Վանաձորում բիզնեսի նկատմամբ պահանջարկի նվազումը հիմնականում կապված է արտագաղթի հետ:
«Բարձր հարկերն ու ֆինանսավորման դժվարություններն այդքան խնդրային չեն այստեղ, որքան բիզնես պահանջարկի նվազումը: Հիմնական պատճառներից մեկը արտագաղթն է: Այստեղ նաեւ սպասումներն են բացասական»,-ասաց Տիգրան Ջրբաշյանը:
Կարդացեք նաև
Իրավիճակը շտկելու եւ ինչպես ողջ Հայաստանի, այնպես էլ, մասնավորապես վանաձորցի բնակիչներին բիզնես սկսելու հարցում շահագրգռելու համար Ամերիաբանկը հանդես է գալիս ՓՄՁ-ների վարկավորման նոր ու առանձնահատուկ առաջարկով:
Համաձայն մասնագետների` Ամերիաբանկի նոր առաջարկը կնպաստի ՓՄՁ-ների գործունեության զարգացմանը, կխթանի նրանց մրցակցային առավելությունների մեծացմանը:
Անուշ ԲՈՒԼՂԱԴԱՐՅԱՆ
