Բագրատաշենի մաքսակետի աշխատողներն ասացին, որ մոտ մեկ ամիս առաջ մեկ օրում հայ-վրացական սահմանի Բագրատաշենի անցակետն անցել է 8 հազար մարդ: Այդ թիվն այնքան է մտահոգել, որ սկզբում վախեցել են այն Երեւան հաղորդել:
Մաքսակետի աշխատողների վկայությամբ` գնացողների զգալի մասը Հայաստանից հիմնական է հեռանում:
Ներկայումս Բագրատաշենի անցակետով օրական միջին հաշվով Հայաստանից հեռանում է 4-5 հազար մարդ:
Գնացողների մեջ կան մարդիկ, ովքեր նույնիսկ ճանապարհածախսի փող չունեն: Մաքսակետի աշխատողները պատմեցին մի մարդու մասին, ով Ռուսաստան է մեկնել`ունենալով ընդամենը 1000 ռուսական ռուբլի: Մաքսակետի աշխատողները համոզել են ավտոբուսի վարորդներից մեկին, որպեսզի նա իր հետ վերցնի այդ մարդուն: Ռուսաստան հասնելուց հետո տղամարդը ավտոբուսի վարորդին խնդրել է իր տված 1000 ռուբլուց 600-ը վերադարձնել, մինչեւ որ կարողանա գործ ճարել, գոյատեւել:
Կարդացեք նաև
Ոսկան ՍԱՐԳՍՅԱՆ
Տարբերենք մաքսակետը սահմանակետից: Մաքսակետով անցնում են ապրանքները, իսկ սահմանակետով՝ մարդիկ: Հետեւաբար սահմանը հատող մարդկանց մասին տեղեկություն տվողը ոչ թե մաքսային մարմինն է, այլ սահմանպահ ծառայությունը: Եթե կարողանայինք հստակորեն տարբերել սրանք, ինչպես նաեւ մաքսի հետ կապված բոլոր հասկացությունները, ապա հաստատ չէր լինի ո՛չ եւրամիության հետ տարբեր բանակցությունները, ո՛չ մաքսային միությանն անդամակցության հարցը ու գուցեեւ չլիներ հե՛նց արտագաղթը:
Ես ամեն ամիս Բագրատաշենում հատում եմ հայ-վրացական սահմանային անցակետը եւ դա լավ գիտեմ: Նյութի մեջ գրել եմ, որ մարդիկ հատել են անցակետը, իսկ տեղեկությունը ստացել եմ մաքսակետի աշխատողներից: Ես նույնիսկ գիտեմ, թե սահմանային անցակետի աշխատողներն ինչպես,ինչ միջոցներով են աշխատանքի ընդունվել, թեեւ դա ապացուցելը դժվար է եւ իմաստ էլ չունի: Իմ աղբյուրները բնականաբար, չեն ուզում, որ իրենց անունը հրապարակվի:Իսկ արտագաղթի պատճառներն այլ են` Հայաստանում տիրող անարդարությունը, օրենքների չգործելը, սոցիալ-տնտեսական դժվար իրավիճակը, գործազրկությունը, մարդկանց խոր հիասթափությունը,երկրի զարգացման ոչ լուսավոր հեռանկարը եւ այլն:
Իսկ չէիք ասի, միայն դուք եք գնում-գալիս, թե ձեզ հետ էլի կան մարդիկ, որ աձդպես գնում-գալիս են:
երբ եք փաստերով խոսելո՞ւ/// զզվեցրիք էլի էդ ասում են , չեն ասումով ///