Վանի պատգամավոր Այսել Թուղլուքը Թուրքիայի ազգային մեծ ժողովին առաջարկել է փոխել վանի անունը եւ դնել Ուան։ Այս լուրն այսօր տարածել է Forums.am կայքը, նշելով, որ օրինագիծն արդեն քննարկման փուլում է Թուրքիայի ազգային մեծ ժողովում։
Այսել Թուղլուքը հայտարարել է, որ Վանի նահանգի անունը Ուանով փոխելով կլուծվեն մի շարք տարածարջանային խնդիրներ եւ քաղաքի անվանումը հնչյունաբանական տեսանկյունից ավելի ճիշտ կարտասանվի։
Այս մասին Aravot.am-ը փորձեց մեկնաբանություն ստանալ ԵՊՀ պատմության ֆակուլտետի դեկան, պատմաբան Էդիկ Մինասյանից, որն էլ իր խոսքում հետեւյալն ասաց. «Դա ապուշություն է: Մեր հինավուրց մայրաքաղաքի անունը փոխել չի կարելի, ոնց կարելի է նման քայլի գնալ: Անունը փոխելը սխալ է, որովհետեւ Վանը դարեր ի վեր եկած անուն է: Թուրքիայում տեղանունները, քաղաքների անունները փոխելը քաղաքականություն է, եւ դա արվում է այն նպատակով, որ մոռացության տրվի հայկական անունները:
Ես գտնում եմ, որ մենք, անպայման, անհապաղ պետք է արձագանքենք սրան: Չի կարելի այսպես թողնել: Ցավոք, ես դեռ այլ մանրամասների չեմ տիրապետում»:
Կարդացեք նաև
Եվա ՀԱԿՈԲՅԱՆ
