Փաստորեն՝ իշխանությունները մուննաթ են գալիս տասնյակ հազարավոր գործազուրկների վրա, որ նրանք չեն ցանկանում, ասենք, ամիսը 80-90 հազար դրամով աշխատել եւ գերադասում են 18 հազար դրամ նպաստ ստանալ։ Հիմա փորձենք հասկանալ այդ մուննաթի բուն պատճառները։ Կարո՞ղ է արդյոք ընտանիքը գոյատեւել ամսական 80-90 հազար դրամ աշխատավարձով։ Ամառային ամիսներին զուցեեւ մի կերպ գոյատեւի՝ բանջարեղենը համեմատաբար էժան է, ջեռուցման վրա էլ շատ չի ծախսվում։ Այսինքն՝ տեսականորեն հնարավոր է ամեն օր հաց եւ կարտոֆիլ ունենալ, իսկ երեկոները՝ նույնիսկ սերիալներ նայել։ Իսկ ահա տարվա ցուրտ սեզոնին այդ գումարով ապրել՝ հնարավոր չէ։ Մարդիկ էլի ամեն օր հաց ու կարտոֆիլ կունենան, բայց կմրսեն-կհիվանդանան։ Մեծերն էլի ոչինչ, կմտնեն վերմակների տակ, մի քիչ կսրթսրթան ու կհարմարվեն, իսկ եթե տանը նաեւ երեխանե՞ր կան:
Մարկ ՆՇԱՆՅԱՆ
Հոդվածն ամբողջությամբ կարող եք կարդալ «Չորրորդ ինքնիշխանություն» թերթի այսօրվա համարում:
