Սիրիայի հյուսիսարևելյան հատվածում երեխաների մոտ պոլիոմիելիտ հիվանդության դեպքեր են գրանցվել, և վտանգ կա, որ այն կարող է տարածվել երկրի ներսում և տարածաշրջանում: Հայտնում է «Ռոյթերս» լրատվական գործակալությունը՝ հղում անելով Առողջապահության համաշխարհային կազմակերպությանը (ԱՀԿ):
Դեր Զոր նահանգում 22 երեխաների, որոնք ենթադրաբար կրում են այդ վարակը, ԱՀԿ-ի լաբորատոր հետազոտության արդյունքում պարզվել է, որ 10-ը վարակված է պոլիոմիելիտով, 12-ինը պարզ կդառնա մի քանի օրվա ընթացքում: Վարակվածները հիմնականում երկու տարեկանից փոքր երեխաներ են:
«Սա վարակիչ հիվանդություն է: Բնակչության տեղաշարժի արդյունքում, այն կարող է տարածվել այլ վայրերում: Այնպես որ վտանգը մեծ է, որ այն կտարածվի տարածաշրջանում», – ասել է ԱՀԿ-ի պոլիոմիելիտի վերացման ծրագրի խոսնակ Օլիվեր Ռոսենբաուերը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
