«Արտահերթ ընտրություններ նախատեսված չեն, չէ՞»,- այսօր Ազգային ժողովում 2014 թվականի բյուջեի նախագծի քննարկման ժամանակ, քթի տակ ժպտալով եւ կիսաձայն, Կենտրոնական ընտրական հանձնաժողովի նախագահ Տիգրան Մուկուչյանին հարցրեց ԱԺ պետաիրավական հարցերի մշտական հանձնաժողովի նախագահ Դավիթ Հարությունյանը`մինչ նրան խոսք կտար:
Մուկուչյանը ժպտաց ու սկսեց ներկայացնել եկող տարվա բյուջեի նախագծի`իրենց հատկացված մասը: Ավելի ուշ արդեն, հավանաբար Դավիթ Հարությունյանին հանգստացնելու համար, ասաց, որ այս տարի մի քանի համայնքներում ՏԻՄ ընտրություններ են նախատեսված միայն:
Հաջորդ տարվա պետբյուջեով ԿԸՀ-ին նախատեսվում է հատկացնել 233 մլն դրամ, որի մեծ մասը, Մուկուչյանի խոսքով, ուղղվելու է աշխատավարձերի վճարմանը:
Նելլի ԳՐԻԳՈՐՅԱՆ
