«Սպասելի էր, որ Իլհամ Ալիևը կշարունակի մնալ Ադրբեջանի գործող նախագահ»,-այսօր «Տեսակետ» մամուլի ակումբում հայտարարեց ադրբեջանագետ Սարգիս Ասատրյանը՝ անդրադառնալով Ադրբեջանի նախագահական ընտրություններին: Ադրբեջանագետը հատկանշական և բացասական երևույթ համարեց Ադրբեջանի պաշտպանության նախարարի նշանակումը ու շարունակեց. «Կոռուպցիան ու դեդովշչինան կապվում է հենց նրա անվան հետ»:
Սահմանային վերջին կրակոցները ևս Սարգիս Ասատրյանը կապեց այդ նախարարի նշանակման հետ. «Սա նորանշանակ պաշտպանության նախարարի ժեստն է: Նա փորձում է այդպիսով Ալիևի ռազմատենչ հայտարարություններից հետ չմնալ ու հիշեցնել իր մասին, թե սրանից հետո այսպես է լինելու: Մյուս կողմից էլ այդ կրակոցներն այնքան հաճախադեպ են, որ դժվարանում ես ինչ-որ միջադեպ կապել ինչ-որ իրադարձության հետ»:
Հարցին՝ սահմանային կրակոցներն արդյոք արդյունք չե՞ն Ադրբեջանի կողմից կաշառված եվրաչինովնիկների կողմից երկակի ստանդարտների կիրառման, պարոն Ասատրյանը պատասխանեց.«Ըստ էության, ստեղծվել է մի խումբ, որն առաջընթաց չի գրանցել: Անգամ չեն կարողանում լուծել նույն դիպուկահարների խնդիրը: Որևէ բան նման մարդկանց գործունեության մասին խոսել չես կարող: Դա հետևանք է նրա, որ Ադրբեջանը հզոր խաղացող է, նրան չեն ուզում կոպիտ բան ասել»:
Հարցին՝ Ալիևի վերընտրվելուց հետո Ղարաբաղյան հակամարտության լուծման առումով ի՞նչ ակնկալիքներ կան, պարոն Ասատրյանն այսպես արձագանքեց. «Ալիևի վերընտրությունից հետո Ղարաբաղյան հակամարտությունը կսրվի»:
Կարդացեք նաև
Տաթև ՀԱՐՈՒԹՅՈՒՆՅԱՆ
