Այսօր «Պոստ Սկրիպտում» ակումբում «Իրազեկ եւ պաշտպանված սպառող» ՀԿ նախագահ Բաբկեն Պիպոյանը մեկնաբանեց տրանսպորտի ուղեվարձի հարցերով ձեւավորված հանձնաժողովում ստեղծված իրավիճակն ու ներկայացրեց հնարավոր զարգացումները:
Բաբկեն Պիպոանի խոսքով` փոխքաղաքապետ Նիկոյանը հանձնաժողովի նիստը սկսել է այն հաշվարկի ծախսով, որը ներկայացվել էր քաղաքապետարանին. «Ես իննը կետից ութին դեմ եմ քվեարկել: Առանց հանրային վերահսկողության այս հարցը լուծել չի լինի», – ասաց Բաբկեն Պիպոյանը՝ նշելով, որ տրանսպորտի ծախսերը պետք է մաքսիմալ օպտիմալացնել, օրինակ, միջին որակի յուղ կարելի է ձեռք բերել ավելի էժան, քան գրված էր:
Բաբկեն Պիպոյանի ներկայացմամբ`ինքը հանձնաժողովում մեկ ու կես ժամ կռիվ է արել փոխքաղաքապետ Նիկոյանի հետ, ու ըստ նրա, ամենավատն այն է, որ մարդիկ քվեարկում էին՝ առանց նախապես ծանոթանալու այդ փաստաթղթին:
Բաբկեն Պիպոյանը նաեւ նշեց, որ ճիշտ է, կան քաղաքացիներ, որոնք պատրաստ են վճարել թեկուզ 150 դրամ, միայն թե երթեւեկեն քաղաքակիրթ պայմաններում, սակայն` «եթե կարող ենք 100 դրամով էլ ունենալ քաղաքակիրթ սպասարկում, ինչո՞ւ վճարել ավելի գումար»,- հավելեց Բաբկեն Պիպոյանը:
Եվա ՀԱԿՈԲՅԱՆ
