Այսօր խորհրդարանում, հանձնաժողովներում 2014 թվականի պետական բյուջեի նախագծի քննարկումների իր հատվածն ավարտելուց հետո, ՀՀ նախագահի աշխատակազմի ղեկավար Վիգեն Սարգսյանը շտապեց հեռանալ:
Արդեն միջանցքում լրագրողները փորձեցին պարոն Սարգսյանից մի քանի հարցերի պատասխաններ ստանալ. մասնավորապես հետաքրքրվեցին, թե ի՞նչ կարծիք ունի նախագահի աշխատակազմը ռուսական առաջին ալիքով հնչած այն տեղեկատվության մասին, թե Հայաստանի ցանկությունը՝ միանալ Մաքսային միությանը, այդպես էլ ցանկություն կմնա և չի իրականանա, քանի դեռ լուծված չէ ԼՂ հիմնախնդիրը: Հարցին, թե ինչո՞ւ Սերժ Սարգսյանի աշխատակազմը պաշտոնապես չի արձագանքում այս հայտարարությանը, Վիգեն Սարգսյանը ոչինչ չպատասխանեց, հարցերը լսեց եւ հեռացավ:
Նելլի ԳՐԻԳՈՐՅԱՆ
