Կառավարությունը բնապահպանության նախարարությանը մոտ 107 միլիոն դրամ կտրամադրի Արարատի եւ Արմավիրի մարզերում 43 հորերի լուծարման աշխատանքների համար: Այս ինքնաշատրվանվող հորերը, ինչպես նշված է կառավարություն ներկայացված փաստաթղթում, ապօրինի են շահագործվում` ձկնաբուծական նպատակներով:
Բնապահպանության նախարարությունը ապօրինի հորերը լուծարելու համար կատարվող աշխատանքներն իրականացնելու է բանակցային գնումների միջոցով, այսինքն` գնումների մասին առանց նախապես հայտարարելու:
Բնապահպանության նախարարությունը կառավարություն ներկայացրած որոշման նախագծով վստահեցնում է, որ այդ 43 ապօրինի հորերը լուծարելով կբարելավվի Արարատյան ջրավազանում բնապահպանական իրավիճակը:
Նելլի ԲԱԲԱՅԱՆ
