Այսօր «Ելակետ» ակումբում Վրաստանի հարցերով փորձագետ Ջոնի Մելիքյանը, անդրադառնալով Վրաստանի նախագահական ընտրություններին, դժվարացավ պնդել, թե հայ-վրացական հարաբերություններում այսուհետ վերելքներ կլինեն, սակայն կարծիք հայտնեց, որ նորընտիր նախագահից հետո այլեւս թուրքական ու ադրբեջանական գործոնը Վրաստանում կնվազի:
Ջոնի Մելիքյանը, խոսելով ջավախահայության մասին, նշեց, որ նրանց ընտրության վրա մեծ ազդեցություն է ունեցել հատկապես եկեղեցու բակում Սաակաշվիլիի ու Չախալյանի միջեւ կայացած հանդիպումը, որտեղ Սահակաշվիլին Չախալյանին համարել է սեպարատիստ: Ըստ Ջոնի Մելիքյանի՝ դա ապացույցն էր նրանց հակահայկական կեցվածքի, բացի այդ. «Մարդիկ հասկացան, որ Սահակաշվիլին կշարունակի իր հակահայկական քաղաքականությունը»,- ավելացրեց Ջոնի Մելիքյանը:
Եվա ՀԱԿՈԲՅԱՆ
